Birti mynd af sér 21 degi eftir fæðingu
Flestir kannast við fyrirframgefnar hugmyndir okkar um að skreppa saman eftir fæðingu og valhoppa út af fæðingardeildinni í gömlu gallabuxunum okkar. Þetta getur gerst (ég þekki eina – Hæ Norma!) en flestar virkum við ekki þannig. Líkaminn þarf tíma til að jafna sig og það getur verið nóg til að æra óstöðugan að hafa þá ranghugmynd í kollinum að það sé eitthvað óeðlilegt við það.
Að því sögðu þá fékk kona að nafni Kristen Sullivan nóg og ákvað að birta mynd af sjálfri sér á Instagram þar sem hún setur saman mynd – þá fyrri tekna þremur dögum fyrir fæðingu og hina þremur vikum eftir fæðingu.
„Mig langar að deila þessari mynd til að sýna ykkur að stundum skiptiar það engu máli þótt maður sé grannur, borði rétt og hafi hreyft sig alla meðgönguna. Stundum er líkaminn einfaldlega þannig að þú „skoppar” ekki bara til baka á þremur vikum,” segir Sullivan í færslunni.
„Mér finnst ég allstaðar sjá myndir af mömmum sem eru nýbúnar að eiga sem eru aftur orðnar eins og þær eiga að sér að vera – bara nokkrum dögum eftir fæðingu. Ég samgleðst vissulega en fyrir margar aðrar er þetta ekki raunhæft.”
Sullivan tekur það einnig fram að hún gæti mögulega verið með diastastis recti eða aðskilda kviðvöðva sem hrjáir margar konur eftir meðgöngu. Hún gangi með sérstakt stuðningsbelti til að hjálpa líkamanum en jafnframt ætli hún að gefa líkamanum tækifæri til að jafna sig í rólegheitumun – enda sé þetta ekki keppni.
Við elskum svona og skorum á sem flestar að birta myndir af sjálfum sér því að góðir hlutir gerast stundum hægt… en hugarfarið er að breytast og það er gríðarlega dýrmætt að kona sem er nýbúin að eiga sé ekki að burðast um með óraunhæfar hugmyndir sem gera fátt annað en að valda vanlíðan.
Instagramsíðu Sullivan er hægt að nálgast hér.
Related Posts
