Loading

Brjálaða barnið í búðinni – foreldri stingur upp á sniðugri lausn

Hvaða foreldri hefur ekki lent í því að barnið tekur æðiskast í búðinni svo að engu tauti verður við það komið. Þetta kallar á misjöfn viðbrögð okkar foreldra, allt frá skömm upp í andlegt þrot, geðvonsku og almenna uppgjöf á þeirri von að koma barninu einhverntíman til manns með sómasamlegum hætti.

Móðir nokkur fékk á dögunum snilldarhugmynd á dögunum og póstaði á Facebook. Hún birtist ekki undir nafni (því miður – annars væri ábyggilega búið að tilnefna hana til einhverra verðlauna) en hugmyndin felur í sér að foreldrar þrói með sér leynimerki sem það getur gefið öðrum foreldrum þegar barnið er í hámarki tryllingsins. Þetta gefi þeim sem merkið fær leyfi til að stíga inn í aðstæður og segja barninu að steinþeigja.

Þetta hafi þríþættan ávinning:

1. Barninu verður svo brugðið að það steinþagnar.
2. Barnið lærir að ókunnuga ber að varast.
3. Kennir barninu á unga aldri að þrátt fyrir að foreldrar þess elski það skilyrðislaust og umberi orgin í því þá er annað fólk ekki jafn umburðarlynt – sama hversu krúttlegt það er.

Hugmyndin hefur hlotið mikla hylli meðal foreldra sem keppast við að deila henni sín á milli og það eina sem virðist vera eftir að ákveða er hvert merkið að að vera. Hugmyndir??

facebook

X