Loading

Unglingar á vespu óku á sex ára dreng

Vespur geta verið varhugaverðar eins og Hanna Katrín Finnbogadóttir komst að á dögunum þegar tveir drengir á vespu óku á sex ára son hennar á göngustíg. Við fengum leyfi frá Hönnu Katrínu til að birta færsluna hennar en hún bendir jafnframt á að drengirnir hafi ekki verði í hlífðarfatnaði og vill beina þeim tilmælum til foreldra að brýna mikilvægi hlífðarbúnaðar fyrir börnum.

Sex ára sonur minn var úti í dag fyrir utan Hólabrekkuskóla ásamt pabba sínum og 3 ára systir. Hann var á hlaupahjóli með hjálm og var að renna sér í brekku frá göngustígnum sem leiðir inn skólalóðina. Á sama tíma kemur drengur á bensínvespu með farþega aftan á og klessir á son minn. Strákurinn minn reyndi að bremsa eins og hann gat en ekki náðist að koma fyrir árekstur. Þessir 14 eða 15 ára drengir sögðu þá við sex ára son minn: „Hvað í fokkanum vastu að gera?!”

Maðurinn minn sér þetta og heyrir í þeim og snögg reiðist. Hleypur í áttina að þeim og spyr hvað þeim gangi til. Þessir drengir voru voða töffarar og svöruðu með skætingi. Sögðu til að mynda „ég var bara á 20 km hraða, hvaða máli skiptir þetta?” Á milli þess sem þeir glottu og gerðu lítið úr þessu, töluðu þeir sín á milli annað tungumál og heyra mátti hæðnistón þó svo ekki skildist hvað þeir voru í raun að segja við hvorn annan.

„Ég var bara á 20 km hraða, hvaða máli skiptir þetta?”
Fyrir mér skiptir það bara hellings máli að börnin mín séu óhult úti að leika á skólalóðinni. Hvað ef þetta hefði verið 3 ára stelpan mín sem hefði orðið fyrir vespu á 20 km hraða? Eða þetta hefði verið ég sjálf með 8 mánaða barnið mitt í vagni og vespan hefði klesst á vagninn?

Að sögn krakka þarna í kring var þetta ekki í fyrsta skipti sem þessi drengur klessir á krakka á þessari vespu. Sá sem keyrði vespuna var með hjálm en engum hlífðarfatnaði en sá sem sár aftan á var hvorki með hjálm né í hlífðarfatnaði. Sem betur fer duttu þeir ekki af sjálfir því þeir hefðu örugglega slasast. Strákurinn minn fékk mar á síðuna eftir áreksturinn.
Eftir á hyggja hefði maðurinn minn átt að hringja í lögguna og láta taka skýrslu af þeim. En i hita leiksins gleymdist það.

Ég set þetta hérna inn til að þið foreldrar talið ykkur kannski smá tíma og biðjið börnin ykkar að passa sig á þessum vespum og taka tillit til annara í umhverfinu. Ég vona líka að foreldrar þessara drengja sjái þetta og tali aðeins við þá.
Þeir eru kannski svolítið sjokleraðir eftir þetta atvik þar sem maðurinn minn lét þá aðeins heyra það í von um að koma smá samvisku inn hjá þeim.

X