Loading

VILTU VITA KYNIÐ?

Hvort sem þið trúið þessu eða ekki þá er loksins búið að finna upp leið til að vita hvort væntanlegur erfingi sé stúlka eða drengur. Það er ekki gamla góða bumbubragðið (strákabumbur standa meira út á meðan stelpubumbur ná frekar til hliðanna), það er ekki í hvaða átt hringur snýst yfir bumbunni, ekki morgunógleðin heldur… já… tatararamm…. það er BRJÓSTASTÆRÐIN.

Samkvæmt afar áreiðanlegum heimildum stækkar ummál brjóstanna meira ef gengið er með stúlku. Meðaltalsstækkun stúlknamæðranna voru 8 cm á meðan drengjamæðurnar voru í 6,3 cm. Ástæðan er sögð vera sú að testósterónið sem þarf í drengjaframleiðsluna hafi einnig áhrif á brjóstastækkun mömmunnar – og dragi svona hressilega úr henni.

Þar höfum við það… en þær sem vilja ólmar kynna sér áreiðanleika þessarar rannsóknar bendum við á að lesa þetta HÉR.

X